Një incident u regjistrua sot në pedonalen e Shkodrës, në rrugën “28 Nëntori”, ku një kabull elektrik në një kabinë u përfshi nga flakët. Banorët dhe kalimtarët njoftuan menjëherë shërbimet zjarrfikëse, të cilat mbërritën në vendngjarje për të neutralizuar situatën.
Megjithatë, ndërhyrja e zjarrfikësve u vështirësua për shkak të makinave të parkuara në rrugicën e ngushtë, duke pamundësuar hyrjen e mjetit të tyre pranë kabinës. Pavarësisht kësaj, efektivët e shërbimit zjarrfikës arritën të shuajnë flakët dhe të parandalojnë përhapjen e mëtejshme të zjarrit.
Fatmirësisht, nuk raportohet për dëme në njerëz.
