Ndërtimi i Zip Line në Alpet e Shqipërisë, një shtysë e re për turizmin në Theth

Në një intervistë për Top Albania Radio, administratori i Hotel Alpet në Theth Fatmir Berishta ka shpërndarë lajmin për ndërtimin e një Zip Line të ri në këtë vend të mrekullueshëm në Alpet e Shqipërisë. Kjo risi turistike është risi për Thethin, i cili po bëhet një çdo dite e me shume një destinacion i preferuar nga vizitorët vendas dhe të huaj.

Zip Line është një atraksion i emocionueshëm dhe i rrallë që do të sjellë një eksperiencë të jashtëzakonshme për aventurierët dhe dashamirët e natyrës. Turistët do të kenë mundësinë e madhe për të kaluar mbi kodrat, lumin e Thethit dhe lugina e Alpeve të Shqipërisë, duke shijuar pamjet e mrekullueshme dhe adrenalinën që ky ZipLine ofron.

Fatmir Berishta thekson se ky investim është një hap i rëndësishëm drejt rritjes së turizmit në Theth. Ai shton se çdo vit turizmi në këtë zonë po rritet me ritme të shpejta, me turistët e huaj që po dominojnë këtë vit.

Thethi, me të gjitha pasuritë e tij natyrore dhe kulturore, ofron një gamë të gjerë atraksionesh për turistët. Muzeu i Thethit, Kulla e Ngujimit, Ujëvara e Grunasit, Vaskat, Kisha e Thethit, si dhe shtegu Theth-Valbone janë vetëm disa prej shembujve të pasurive që mund të gëzojnë vizitorët.

Me ndërtimin e Zip Line, Thethi shton një atraksion tjetër për tërheqjen e më shumë vizitorëve dhe krijon një shans të ri për të promovuar bukuritë natyrore të kësaj zone. Një udhëtim në këtë vend magjik në Alpet e Shqipërisë sigurisht do të jetë një aventurë e paharrueshme për të gjithë ata që zgjedhin ta vizitojnë.

Shperndaje ketë postim:

spot_imgspot_img

- PUBLICITET -

Aktualitet

Te tjera
LAJME

Kalaja e Shkodrës, më shumë vizitorë se Butrinti

Viti i fundit rezultoi të jetë një periudhë shumë...

Dy shenjat e horoskopit që do t’i kthejnë gjërat ashtu siç duan ata

Me Hënën te Peshqit dita fillon e qetë dhe...