Brikenda dhe Elio zhvilluan takimin e radhës në studion e “Për’puthen”, por bashkëbisedimi i tyre u ndërpre disa herë nga ndërhyrja e konkurrentëve të tjerë.
Megjithatë, Elio vazhdoi t’i tregonte për veten Brikendës, madje solli një ëmbëlsirë që e kishte përgatitur vetë ai. Konkurrentja tha se ëmbëlsira është e shijshme, por ka një shije të çuditshme.
“Pse është djegëse”, pyeti ajo, ndërsa Gisela pranoi se i kishte hedhur tabasco (djegëse) ëmbëlsirës.
Menjëherë më pas, Briki u çua dhe hodhi gatimin pranë Giselës. Vajzat vazhduan të ofendonin njëra-tjetrën, ndërsa Elio ndërhyri mes tyre.
“Femër e poshtër, e degjeneruar”, i tha Briki.
Ndërsa Gisela u shpreh se këtë veprim e bëri në shenjë hakmarrjeje ndaj Elios, me të cilin ka zhvilluar disa takime.
“Unë atij djali i kisha dhënë një kusht. Tani del me goca të tjera. Dikush nuk po më kënaq në këtë studio. Thashë po marr kënaqësi për vete”.
Brikenda u largua nga studio, ndërsa Elio qëndroi pranë saj.
