Vitet e fundit vendimmarrja për të sjellë në jetë një fëmijë ndikohet nga shumë faktorë. Çiftet zgjedhin që si fillim, ti japin përparësi kontrolleve paraprake dhe ekzaminimeve për të parë dhe parandaluar semundje apo problem të mundshme. Senad Halluni drejtor I Spitalit Rajonal të Shkodrës dhe shef i shërbimit obstetrik gjinekologjik shprehet se të tilla kontrolle janë shumë të rëndësishme.
Halluni thotë se tashmë çiftet që planifikojnë nisjen e një shtatëzanie janë të informuar për vizitat që duhen kryer fillimisht. Mjeku tregon se vizitat gjinekologjike për vajzat dhe gratë tashmë janë pjesë e edukatës së tyre. Gjithashtu as meshkujt nuk i anashkalojnë vizitat dhe kontrollet rutinë në kujdesin e shëndetit të tyre riprodhues.
Nga ana tjeter Halluni tregon edhe afatin që këshillohet për nisjen e një tjetër shtatëzanie nga ajo e para.
Planifikimi familjar tashmë është bërë pjesë e edukatës së çdo individi dhe këshillimi paraprak me mjekun është hapi i parë i rëndësishëm që ata ndërmarrin.
