Ish-kryeministri Sali Berisha ka rrëfyer se shumë miq dhe bashkëpunëtorë i kanë kërkuar rikthimin në krye të Partisë Demokratike, pas dorëheqjes në 2013.
Ai tha se argumentet që i paraqisnin ishin shumë të forta, por shtoi se ishte shumë i vendosur që nuk do ta bënte një gjë të tillë.
“Kur dhashë dorëheqjen dhe disa vite mbrapa, kam njoftuar se dorëheqja ime ishte pa kthim. Dhe ai ishte një vendim i prerë.
Kam patur shumë insistime nga miq, të cilët e shtronin në mënyrë shumë të argumentuar dhe nuk është se më lëndonin me atë mënyrën e shtrimit të tyre.
Kjo sepse në bilancin e asaj që argumenteve që unë kisha për të kundërshtuar dhe argumentet që ata paraqisnin për t’u rikthyer, argumentet më të forta i kishin ata, të miat ishin më vetjake. Por unë mbetesha i palëkundur në vendimin tim”, u shpreh Berisha.
