Të paktën 13 persona janë lënduar nga një aksident i shkaktuar nga një makinë.
Një grua në Kinë ka marrë përpara me makinën e saj një grup këmbësorësh që po kalonin në vijat e bardha. Kamerat e sigurisë kanë fiksuar këtë moment, ku shihet se si makina tip “Benz” futet me semafor të kuq dhe përplas njerëzit.
Shoferja e mjetit, është identifikuar si një 45-vjeçare dhe është justifikuar se ka shtypur aksidentalisht pedalin e gazit.
Hetimet preliminare tregojnë se shoferja 45-vjeçe po mundohej ta merrte një shishe me ujë në karriget e pasme, kur pa dashje shtypi pedalin dhe goditi këmbësorët.
Megjithatë si pasojë e kësaj goditje shumë këmbësorë u dërguan me urgjencë në spital, ku dy prej tyre janë në gjendje të rëndë.
