Një aksident i rëndë ka ndodhur në Itali, ku ka ndërruar jetë një shqiptar.
Bëhet me dije se jetën e ka humbur një 20 vjeçar shqiptar, ndërsa kanë mbetur të plagosur dhe katër të tjerë.
Makina me të rinjtë ishte duke udhëtuar drejt në rrugën Abruzzi, ku në një moment ka humbur kontrollin dhe është përplasur me pemën. Si pasojë e aksidentit ka humbur jetën 20 vjeçari, që drejtonte mjetin dhe mbetën të plagosur 4 të tjerë 2 vajza dhe dy djem.
Të rinjtë ishin të moshave 18 vjeç derI në 22 vjeç. Nga katër të plagosurit, një nga vajzat është në gjendje të rëndë, ndërsa të tjerët ndodhen në spital jashtë rrezikut për jetën.
