Marina Vjollca dhe Getoar Selimi janë bërë prindër për herë të parë.
Dyshja ka mirëpritur në jetë vajzën e tyre. Lajmi është bërë me dije nga “VIP Magazine.al” teksa vetë çifti nuk ka reaguar ende. Mësohet se e vogla e tyre ka ardhur në jetë ditën e sotme në një spital në kryeqytet.
Kujtojmë se Marina dhe Getoar Selimi kurorëzuan katër vite më parë dashurinë në martesë. Dhe tashmë janë bërë 3. Marina nuk u shkëput asnjë ditë nga projekti i saj televiziv duke u shfaqur në “Klanifornia” çdo të shtunë.
Nuk dihet ende si kanë vendosur ta pagëzojnë vajzën e tyre, Marina dhe Getoari. Pak kohë fansat aluduan se emri i saj do ishte bashkim i emrave të dy prindërve “Marget”.
