Na kishin munguar hite të reja muzikore nga këngëtarja e talentuar shkodrane, Elhaida Dani. Vitet e fundit Elhaida ka qënë e fokusuar me projekte jashtë kufijve shqiptarë por këtë herë është rikthyer fuqishëm.
Javën e kaluar ajo publikoi albumin e saj EP, me 5 projekte muzikore, e qujtuar ZanIn. Ky album u prit jashtë mase mirë nga fansat e saj por komentet negative të skeptikëve nuk kanë munguar.
Duke filluar nga Elton Deda e cili e akuzoi publikisht këngëtaren duke i thënë se të gjitha këngët e saj duken njësoj, tek ato që shkruanin se Elhaida ka kopjuar Elvana Gjatën.
Në një intervistë për T7, Elhaida i ka sqaruar të gjithë duke thënë:
“Nuk është e vërtetë, por të them të drejtën që Elvana ka qenë e para që risolli muzikën shqiptare në këtë lloj stili, në këtë lloj mënyre sa më moderne dhe e kam vlerësuar shumë, sepse duhej ta bënte dikush. Elvana e bëri aq mirë sa e riktheu në modë le të themi dhe i la hapësirë çdo artisti tjetër për ta bërë”,- tha artistja.
