Ish-kryeministri Sali Berisha ka deklaruar se do ta marrë vaksinën anti-Covid. I ftuar në “Now” me Ilva Taren, Berisha tha se nuk është vaksinuar deri më tani pasi ka pak kohë që ka kaluar Covid-19, dhe ka pasur antitrupa.
“Do ta bëj, por nuk e kam bërë vetëm pasi kam pasur antikorpet 145 pasi e kalova COVID. Do ta bëj dhe duhet bërë vaksina pavarësisht se mund të ketë ndonjë ndërlikim,”- tha Berisha.
Ish-kryeministri sugjeroi gjithashtu që të gjithë ata qytetarë që kanë dëshirë të marrin vaksinën anti-Covid, duhet të kërkojnë edhe datën e skadëncës së vaksinës.
