Del VIDEO e sulmit mbi KZAZ/ Policët e plagosur në Vaun e Dejës, reagon Rama

Një incident ka ndodhur mbrëmë në KZAZ-në nr 6, e vendosur në shkollën “Ndre Mjeda” në Vaun e Dejës. Nga të dhënat paraprake, mësohet se protestues dhe mbështetës të opozitës kanë zhvilluar nje tubim, duke kërkuar largimin e materialeve zgjedhore.

 

Persona ende të paidentifikuar kane hedhur bombola artizanale dhe si pasojë ka shpërthyer flaka në ambientet e shkollës. Raportohet për 2 policë të lënduar në këtë ngjarje për të cilën ka reaguar edhe kryeministri Edi Rama.

 

“Sulmi mbi KZAZ e Vaut të Dejës është shfaqja e egër e dëshpërimit të L.Bashës, M.Kryemadhit, I.Metës dhe S.Berishës, nga fundi i sigurtë me turp ditën e dielë i aventurës së tyre antikombëtare, për të marrë peng zgjedhjet që të marrin peng Shqipërinë #Ndëshkimi do jetë shembullor.

 

As kjo shfaqje turpi dhe asnjë shfaqje tjetër e këtij lloji, nuk e ndal dot më gremisjen e të katër aventurierëve në gropën që hapën për këtë popull e për këtë vend! Kush prek zgjedhjet për llogari të tyre do përballet me të gjithë forcën e ligjit dhe pasojat e paralajmëruara?” – shkruan Rama në Tëitter.

 

Ndërsa ministri i Brendshëm Sandër Lleshaj shkruan: “Përsëri sulmohet me molotov një shkollë në Shkodër, si shenjë skizofrenie politike e PD për të penguar zgjedhjet. Kryetarët pa mandat nuk mund të mbajnë peng bashkitë me molotov. Ligji do të veprojë!”.

 

TE TJERA

spot_img