Çifi i njohur, Dafi Derti dhe Silva Gunbardhi janë përfshirë në një aksident pak ditë më parë.
Këtë lajm e ka bërë me dije vetë bashkëshorti i këngëtares shqiptare Dafi. I ftuar në emisionin “Glamour Zone”, nga moderatorja Ester Bylyku, pasi foli për projektet e reja në muzikë, ai përmendi dhe një aksident që ndodhi pak ditë më parë, me makinën e bashkëshortes së tij, Silva Gunbardhi.
Pjesë nga biseda:
Ester Bylyku: Zënka shumë jo, gjashtë vite bashkë po, xhelozi jo, për çfarë ziheni ju?
Dafi Derti: Ne zihemi gjithmonë kur unë i jap makinës. Jo më pak se pardje, fatkeqësisht përplasa makinën e Silvës. Dhe doli që pas gjashtë vitesh ajo ka të drejtë.
Ester Bylyku: Jo të vetën, të Silvës…
Dafi Derti: Dhe jo pak, por e përplasa fuqishëm. Nuk kishte të lënduar, ishte gabimi im. Ishte hera e parë që më ndodhi pas 10 vitesh në timon. Unë ia vë fajin telefonit. Kjo është arsyeja që ne zihemi gjithmonë dhe doli që Silva ka të drejtë.