Arsimimi i fëmijëve të komunitetit rom/ Prindërit: Nuk ka transport për t’i dërguar në shkollë

Duhej të ishin në orën e mësimit pasi u përkasin moshave 5-14 vjeç, por këtë të enjte dhjetëra fëmijë të komunitetit rom në Shkodër i sheh në rrugët e qytetit apo pranë barakave ku jetojnë. Të vegjlit tregojnë se duan të shkojnë në shkollë, por këtë vit ata nuk kanë ndjekur proçes mësimor për shkak të furgonit që sipas tyre nuk vjen rregullisht për t’i marrë. Të njejtën gjë pohojnë edhe prindërit, të cilët gishtin për mos shkollimin e fëmijevë e drejtojnë tek institucionet. Frekuentimi i shkollës për këta fëmijë, integrimi dhe largimi nga rruga mbetet sfidë për institucionet!