Ura e fshatit Gimaj dhe Nënmavriq në njësinë Administrative Shalë në bashkinë Shkodër është përfshirë në një rikonstruksion total të saj. Pas ankesave të shumta të banorëve bashkia Shkodër ka nisur këtë investim jetik për komunitetin. Për të parë nga afër punimet në këtë zonë ka qënë kryetari i bashkisë Shkodër Benet Beci së bashku me administratorin e njësisë Mikel Kopsaj të cilët evidentuan detaje për këtë ndërhyrje.
Një investim i tillë është përgëzuar edhe nga Arqipeshkvi i Dioqezës Shkodër – Pult, Monsinjor Angelo Massafra. Ura që lidh më shumë se 600 banorë të kësaj zone, u dëmtua në vitin 2013-të kur minos me tritol.
Pavarësisht ndërhyrjeve që janë bërë nga banorë të zonës kjo urë ishte një rrezik i përditshëm për ta. Pas investimit në trasenë e urës do të ndërhyhet edhe në pjesë inxhinjierike me qëllim që kjo urë të plotësoje të gjitha standartet për sigurinë e banorëve të zonës.
