Me urdhër të Ministrit të brëndshëm Taulant Balla dhe nën orientimin e prefektes Majlinda Angoni, task forca e përbërë nga specialistë të disa institucioneve ka inspektuar shkollat në bazë të perimetrit të sigurisë. Angoni tha se primare mbeten efektivët të cilët tashmë janë të vendosur në shkolla dhe do të monitorojnë gjatë gjithë vitit.
Shqetësim mbeten informacionet se në afërsi të institucioneve shkollore shpërndahen lëndë narkotike. Pranë institucioneve shkollore nisi edhe vendosja e kamerave të sigurisë. Policia vendore, Policia Bashkiake, AKU,Hetimi tatimor, inspektoriati shëndetësor janë disa prej institucioneve që janë pjesë e task forcës. Efektivët do të monitorojnë çdo ditë duke raportuar mbi problematikat që shoqërojnë këto institucione shkollore.
