Rikthehen rastet me Covid/ Hysa: Aktualisht të sëmurë aktiv rreth 90 persona

Infektimet me coronavirus janë rikthyer sërish. Mjekët epidemiologë thonë se muaji shtator ka sjellë një rritje të rasteve në Bashkinë Shkodër
Mjekja Dhurata Hysa thekson se si shkak i sezonit turistik janë shtuar rastet me covid 19 ku aktualisht janë të sëmurë aktiv rreth 90 persona. Hysa thotë se në vendin tonë nuk ka variant të ri të virusit ndërsa personat e infektuar paraqiten me simptoma të lehta. Më të prekurit nga virusi covid 19 gjatë kësaj kohe janë femijët, moshat e treta dhe gjithashtu personat me sëmundje bashkëshoqëruese.
Ndërkohë ekspertët kërkojnë që të mos neglizhohen masat mbrojtëse.