Një aksident i rëndë i ka marrë jetën një shqiptari në Itali ditën e sotme.
Ngjarja ka ndodhur rreth orës 08:00 në Tezze sul Brenta, në via Tre Case.
Sipas rikonstruksioneve fillestare, viktima, i cili lëvizte me skuterin e tij, ka goditur makinën përballë, duke u hedhur në korsinë tjetër.
Në korsinë e kundërt, ai është goditur nga një makinë tjetër e cila nuk ka mundur ta shmangë 38-vjeçarin.
Për shqiptarin nuk mund të bëhej asgjë, pasi humbi jetën në çast, sipas medieve fqinje.
Policia ka nisur hetimet për zbardhjen e plotë të shkaqeve./Albeu.com
