Ish- finalisti i “BBV2”, Kristi Dragot, vazhdon të jetë aktiv në rrjetet sociale dhe mesa duket dëshira e tij për të qenë në qendër të diskutimeve është tepër e madhe.
Deklaratat e tij kanë qenë të shumta, ku ndër to ishte konfirmimi i lidhjes së tij të re dhe pjesëmarrja në një emision të ri televiziv.
Nisur nga kjo, Kristi i ka kushtuar një pjesë të ditës ndjekësve të tij, duke iu drejtuar një pyetje, ku ka shkruar: “Jam kurioz, emisioni ideal për mua do ishte…”
Pavarësisht se ka pasur përgjigje pafund, ajo që i ka bërë përshtypje ndjekësve është fakti se Kristi ka prekur një temë mjaft të nxehtë, atë të ndërhyrjeve kozmetike.
Dikush nga ndjekësit ka përmendur programin “Doktor Plastik” dhe Kristi i është përgjigjur duke publikuar një foto në të cilën shfaqen personazhet e njohura si: Megi Pojani, Dafina Zeqiri, Dhurata Dora dhe Loredana, ku shkruan: “Do kisha shumë punë”.
Ndërkohë që akoma nuk ka asnjë reagim nga vajzat e showbizzit shqiptar.
