Pavarësisht aksioneve të bashkisë Shkodër dhe apelit për mbajtjen pastër të mjedisit, duket se qytetarët shkodranë nuk janë të ndërgjegjësuar mjaftueshëm mbi dëmet që shkakton ndotja mjedisore. Vetëm pak javë më parë, përmes një postimi në rrjetin social “Facebook”, kryetari I bashkisë Shkodër Benet Beci lajmëroi për aksionin e dytë të ndërmarrë në muajin gusht për pastrimin e mbetjeve në rrugën “Tepe” ndërkohë që pamja e kësaj të marte lë shumë për të dëshiruar.
Nga vëzhgimi I Star Plus konstatohen mbetje të hedhura jashtë kontenierëve të mbeturinave nga banorë të zonës dhe jo vetëm, të cilët duket se janë shkaktarët e kryesorë të kësaj gjendje aspak normale në kodrat e Tepes. Kjo problematikë prezente prej vitesh duket se nuk po merr zgjidhjen e duhur edhe pse bashkia Shkodër, pas aksioneve të bëra ka paralajmëruar që do të monitorohen personat dhe subjektet përgjegjës për ndotjen e shkaktuar.
