Kur dëgjojmë vargjet “Kaje, mos t’u hekt’ mërzia”, fillimisht na vjen ndërmend Dafina Zeqiri me Ylli Limanin, e më pas, të gjithë biem dakord se na kujtohet edhe videoja trend në TikTok e kamarierit që shërben duke kënduar në një restorant.
Në video, djali shfaqet duke shërbyer në restorantin ku punon në Gjakovë, teksa paralelisht është duke kënduar këngën e Dafinës dhe Yllit, që është padyshim një nga këngët më të dëgjuara të kësaj vere.
Besarti, tashmë ka pushtuar TikTok-un që prej kësaj videoje për të cilën të gjithë po flasin dhe po e rikrijojnë në mënyrën e tyre.
Në një intervistë nga “Lajmi.net”, ai u shpreh se nuk e priste që këndimi i tij do të merrte përmasa kaq të mëdhaja për të në TikTok, ndërkohë që thotë se është mirënjohës ndaj të gjitha komenteve pozitive.
“Nuk e kam pritur që do bëhet kaq e madhe, por ja ku jam. Nuk ndikohem nga komentet negative dhe nuk e kam patur problem publikimin e videove, pasi më pëlqen shumë t’Ii shërbejë të tjerëve duke kënduar. Ideja ka qenë e kolegut tim i cili më kërkoi të më bëjë video prej zërit tim dhe i jam shumë falenderues.”- është shprehur Besarti.
Ai ka theksuar se, edhe pse nuk mund të këndojë gjatë orarit të punës, shpesh herë, thuajëse në cdo tabolinë që shërben, i kërkohet të këndojë këngën “Kaje”.
@besibajramii
