Moderatorja e njohur, Arbana Osmani prej disa ditësh tashmë po shijon pushimet verore në jugun e Shqipërisë me familjen e saj.
E së fundmi, Arbana ka publikuar disa foto të shkrepura teksa eksploronte jugun së bashku me fëmijët ku krahas tyre ka dhënë dhe një ‘review’ në lidhje me turizmin e vendit.
Gjatë shkrimit, moderatorja tregon fillimisht se kishte rreth tre vite që nuk kishte shkuar në jug me fëmijët e saj, teksa shprehet se ishte surprizuar goxha nga përmirësimet që ishin bërë së fundmi.
“Kisha fiks tre vite pa ardhur ne Jug me fëmijët. Dhe me gjithë frikën se mos gjenim trafik, në fakt rrugët e zgjeruara dhe përmirësuara ishin një surprizë e bukur dhe nuk u bllokuam askund (ndryshe nga ç’ndodh kur ikim ne Veri psh). Bukuritë natyrore ky i vend i ka, na i ka falur Zoti dhe besoj te gjithë jemi dakort që kemi një Rivierë fantastike, dhe gjithmonë e me tepër struktura hoteliere me kushte optimale; dhoma super design dhe restorante te hatashme; pashë me shumë opsione për çdo gjë, sporte uji, spa, shopping çdo gjë krahasuar me 3 vite më pare”- shprehej ajo.
Mirëpo përpos benefiteve të mira dhe luksit që na dhuron jugu i Shqipërisë, Arbana ndau me ndjekësit e saj dhe një shqetësim që ka të bëjë me pronarët e hoteleve apo restoranteve. Moderatorja shprehet se sjellja e tyre e pahijshme ndaj puntorëve i ka lënë një shije shumë të keqe:
“Por në këto pak ditë këtu vura re që fatkeqesisht vetëm një gjë nuk ka ndryshuar dhe që është përtej luksit, varkave e carpacio-ve, rezidencave me 5 yje dhe plazheve me vibe mykoniane; teksa je duke pushuar me fëmijët e tu, miqte e tu apo thjesht duke kaluar rastesisht, ka gjithmone një pronar që i uleret një punonjesi dhe e trajton si kafshe, me nje fjalor te dhunshëm e ofendues si të ishte gjëja me normale. Dhe në ate moment , edhe pse asnjeri prej tyre se ka me ty( përkundrazi ty të respektojnë ne max) shija e keqe që të le nje debat absurd e banal me tone te larta në gjuhen amë, nga njerezit e vendit tend( se mbase te isha ne nje vend te huaj sdo më bënte aq pershtypje) të mbetet. Dhe fillon e pyet veten a do bëhemi ndonjehere? A do mund te respektojme ndonjehere njeri tjetrin? Jo ta duam; ta respektojme. Pronari punonjesin. Punonjesi pronarin. Klienti klientin ne shezllonin ngjitur. Skafisti plazhistet. Shqiptari shqiptarin. Nuk do ta bejne kete vend turistet italiane që kërkojnë Shqipërinë ku hahet lirë se njesoj do ankohen prap se e kane në gjak:) Ketë vend do ta bëjmë ne, por vetem nese respektohemi pak më shumë. Pak fare🙏”.
