Sulmi në zemër/ Simptoma që rrit rrezikun e vdekjes

Sëmundjet kardiovaskulare, me infarkt miokardi në krye, janë kërcënuese për jetën dhe shëndetin e pacientëve. Një vit pas një infarkti të miokardit, megjithatë, ekziston një simptomë kyçe, e cila në varësi të intensitetit të saj, parashikon mbijetesën afatgjatë të pacientit dhe zbulon nëse ecuria e shëndetit të tij do të jetë e kënaqshme.

Një studim i ri, i botuar në Gazetën e Shoqatës Amerikane të Zemrës, pretendon se pacientët që përjetojnë dhimbje muaj pas një ataku në zemër, përballen me një rrezik të shtuar të vdekjes. Përfundimi i këtij studimi sugjeron se simptoma e dhimbjes mund të veprojë si një parashikues i rreziqeve shëndetësore, dhe mbijetesës së një personi pas një ataku në zemër.

Sipas Shoqatës Amerikane të Zemrës, një atak në zemër ndodh afërsisht çdo 40 sekonda në SHBA, me moshën mesatare të pacientëve të vlerësuar në 65.6 vjeç për burrat dhe 72 vjeç për gratë.

Dhimbja është një simptomë mjaft e zakonshme, pas një sulmi në zemër dhe zakonisht është për shkak të ekzistencës së kushteve të tjera shëndetësore. Sipas studimeve të reja, mund të parashikojë mbijetesën afatgjatë.

“Shkakton humbje të konsiderueshme të funksionalitetit dhe mund të çojë në paaftësi. Studimet tregojnë se është i lidhur me një rrezik më të lartë të sëmundjeve kardiovaskulare dhe vdekjes”, tha autorja e studimit, Linda Vixner, profesore e asociuar e shkencës mjekësore në Shkollën e Shëndetit dhe Mirëqenies në Universitetin Dalarna të Suedisë.

Ekipi i studimit analizoi të dhënat shëndetësore të më shumë se 18.300 të rriturve. Pjesëmarrësit ishin mesatarisht 62-vjeç, kishin pësuar të paktën një sulm në zemër (midis 2004 dhe 2013), dhe 24.5% e tyre ishin gra.

Rezultatet e analizës së të dhënave zbuluan se: Pothuajse 45% e pjesëmarrësve raportuan dhimbje të moderuara ose të forta një vit pas sulmit në zemër

Ata që përjetuan dhimbje të moderuara, u përballën me një rrezik 35% të rritur për të vdekur nga çfarëdo shkaku gjatë 8.5 viteve që zgjati studimi. Ata që raportuan dhimbje të forta, kishin më shumë se dy herë më shumë gjasa të vdisnin

65% e pjesëmarrësve që përjetuan dhimbje 2 muaj pas sulmit në zemër, kishin të njëjtën simptomë një vit më vonë, një gjetje që tregon dhimbje të vazhdueshme dhe afatgjatë.

Shperndaje ketë postim:

spot_imgspot_img

- PUBLICITET -

Aktualitet

Te tjera
LAJME

Atraksionet e reja në Theth: Një verë plot adrenalinë dhe peizazhe magjike

Ky vit sjell një atraksion të ri dhe të...

NJË TJETËR ATRAKSION, SË SHPEJTI ZIP LINE NË THETH

Një risi që i shtohet Alpeve të Shqipërisë është...

Kalaja e Shkodrës, më shumë vizitorë se Butrinti

Viti i fundit rezultoi të jetë një periudhë shumë...