Shqipëria ka qenë kryefjala e mediave të huaja. Të shumta kanë qenë prestigjiozet ndërkombëtare që kanë publikuar artikujt e tyre, duke e renditur vendin tonë, në një prej vendeve që duhet vizituar këtë verë.
Që nga “Daily Mail” te “CNN”, nuk ndalet në mediat e huaja jehona e Shqipërisë turistike dhe suksesit të jashtëzakonshëm. Të njëjtën tablo ka paraqitur edhe media britanike “Financial Times”, e cila ka publikuar një plazh të Shqipërisë që e quan “Një Itali e vogël”, duke shkruar: “Një nga vendet më të varfra të Evropës, Shqipëria ka luftuar për dekada për të hequrreputacionin e korrupsionit dhe krimit të organizuar që ka shtyrë qindra mijëra shqiptarë të emigrojnë. Por tani po gëzon një ringjallje ekonomike pjesërisht për shkak të një bumi turistik.”
Por teksa ky shkrim mund të konsiderohet krenari për vendin tonë, të njëjtin mendim nuk ka pasur Krist Aliaj.
Por teksa ky shkrim mund të konsiderohet krenari për vendin tonë, të njëjtin mendim nuk ka pasur Krist Aliaj. Ish-finalisti i “Big Brother” ka zgjedhur të komentojë te ky post, dhe duhet thënë komenti nuk ka qenë aspak mbështetës. Edhe këtu, Kristi ka zgjedhur të bëjë antagonistin, duke treguar opinionin e tij për vendin tonë.
“Opinioni jopopullor: është pikërisht kaosi që vjen nga krimi i organizuar – korrupsioni – infrastruktura e keqe – shërbimi i ulët – elita e pasur e re – narkokultura… që tërheq turistët – jo vetë kostoja e ulët”, ka shkruar Kristi, duke zgjedhur të bëjë antireklamën e vendin të tij.
Natyrisht që në rrjet reagimet kanë qenë të shumta, por kjo nuk e ka bërë atë që të ndryshojë mendje apo të fshijë postimin.
