Kryetarja e Këshillit të Qarkut Shkodër ,Marina Duhani, ka pritur në një vizitë kortezie me rastin e marrjes së detyrës, arqipeshkvin e Shkodër- Pult imzot Angelo Massafra.
Arqipeshkvi Massafra i ka përcjellë Duhanit urimet përsonale ,por edhe të Kishës Katolike në Shqipëri ,me rastin e zgjedhjes në drejtimin e Këshillit të Qarkut Shkodër .
Ndërkohë Massafra ka ngritur edhe disa problem që e shqetësojnë komunitetin e Shkodrës dhe të mbi Shkodrës dhe ka kërkuar që këto problematika të marrin zgjidhje.
Kryetarja e Këshillit të Qarkut , Marina Duhani, ka falënderuar arqipeshkvin Massafra për vizitën dhe urimet, duke e siguruar se bashkëpunimi me Kishën Katolike por edhe besimet fetare në përgjithësi, do të jetë i vazhdueshëm e konkret në interesin e Shkodrës dhe të qytetarëve.
Imzot Massafra në shenjë mirënjohjeje i ka dhuruar disa libra kryetares Duhani dhe ka shprehur dëshirën për të vijuar bashkëpunimin me Këshillin e Qarkut Shkodër.
