Në vendin e ngjarjes në Velipojë ku humbi jetën 20 vjeçari Arlind Sylja dëshmitarët tregojnë se viktima u nxor në breg nga pushuesit të cilët u përpoqën ti jepnin ndihmën e parë.Ata thanë se ambulanca u vonua mbi 30 minuta, ndërkohë që rikthejnë në vëmendje mungesën e rojes bregdetare në të gjithë vijën e bregdetit.
Mjeku i Qendrës Shëndetësore në Velipojë Teuton Muzaka hodhi poshtë pretendimet e dëshmitarëve që ambulanca shkoi më vonesë në vendgjarje, pasi sipas tij ndihma e shpejtë i është dhënë brenda 3 minutave nga bluzat e bardha.
Kjo situatë mesa duket, nuk ka qenë mjaftueshëm alarmante për instancat përkatëse, duke bërë që kullat e vrojtimit të vazhdojnë të jenë bosh.
