Mbeturina dhe grumbuj insektesh të cilat prej vitesh janë kthyer në burim infeksionesh. Rreth 500 familje në rrugën Et’hem Kazazi në Shkodër vijojnë të vuajnë jo vetëm mungesën e infrastrukturës por edhe atë të mungesës së dezinsektimit. Kanali anësëor është tejmbushur me mbeturina dhe insekte të ndryshme.
Banorët thonë se ka vite që kjo zonë nuk është dezinsektuar. Ata detyrohen të mbyllin dritaret pasi prezenca e insekteve është e papërballueshme. Mungesën e dezinsektimit prej 2 vitesh e vuajnë jo vetëm zonat periferike por edhe ato bregdetare.
Disa herë operatorët turistik dhe vetë pushuesit janë ankuar se prania e mushkonjave dhe insekteve të tjera është anormale në një zonë të tillë turistike e cila pret çdo sezon mbi 100 mijë pushues.
