Nga data 15 qershor ashtu si në plazhin e Velipojës edhe në atë të Rrjollit është hapur qëndra shëndetësore verore.
Mjekja e kësaj qendre Rozela Tarazhi shprehet se është furnizuar me të gjitha medikamenetet e nevojshme ndërsa deri tani pranë kësaj qendre kanë marrë shërbim rreth 400 persona.
Për pushuesit qëndra shëndetësore është mëse e nevojshme pasi ju vjen në ndihmë për çdo rast emergjent. Qendrat shëndetësore verore, që operojnë përgjatë zonës turistike Velipojë-Rrjoll, janë të plotësuara me staf mjekësor dhe autoambulancë që shërbën përgjatë 24 orëve.
Qendrat janë të paisura me mjetet e duhura mjekësore për dhënien e ndihmës së parë për pushuesit .
Dy qendrat shëndetësore kanë filluar shërbimin për pushuesit me datën 15 qershor dhe do vijojnë të japin shërbimin e tyre deri në fund të sezonit.
