Prindër kujdes… Rikthehet infeksioni i gojës, këmbëve dhe duarve te fëmijët!

Infeksioni që prek të vegjëlit te goja, duart dhe këmbët është rikthyer gjatë kësaj periudhe sipas specialistëve. Mjekja pediatre Sonila Brati shprehet se ky infeksion viral ka shtuar numrin e pacientëve që kanë nevojë për trajtim.

“Ka një rikthim të këtij virusi, e kemi hasur fillimisht në 2021-in dhe tani është rikthyer në periudhën e Qershorit. Kemi shtim të rasteve, fëmijë që paraqiten tek ne që kanë temperaturë, elementë në pjesën e brendshme të gojës, të pëllëmbëve të duarve, këmbët. Është një infeksion viral.”

Përveç temperaturës disa shenja të tjera të virusit ngjitës që prek kryesisht fëmijët e çerdheve dhe kopshteve janë mungesa e oreksit apo dhe rënia e imunitetit.

“Mund të japë dhe në formë diarreje, pacienti paraqitet shpesh herë i lodhur, ka mungesë oreksi, vështirësi në të ushqyer dhe në pjesën më të madhe të rasteve merret nga kolla, teshtima, puthjet, përqafimet, lodrat e përbashkëta. Trajtimi me ibuprofen ose paracetamol që të kalojnë simptomat.”

Specialistët theksojnë se ky infeksion zgjat rreth 7 ditë ndaj u rekomandojnë prindërve të mos i dërgojnë të vegjlit në çerdhe apo kopsht, për shkak se përhapet lehtësisht tek fëmijët.

Shperndaje ketë postim:

spot_imgspot_img

- PUBLICITET -

Aktualitet

Te tjera
LAJME

Kalaja e Shkodrës, më shumë vizitorë se Butrinti

Viti i fundit rezultoi të jetë një periudhë shumë...

Dy shenjat e horoskopit që do t’i kthejnë gjërat ashtu siç duan ata

Me Hënën te Peshqit dita fillon e qetë dhe...