I ftuar në rubrikën “Në trotuar” në E diel, gjinokologu Shkëlqim Balili ka folur për fenomenin e virgjërisë, që ndodh edhe në ditët e sotme, ku djemtë kërkojnë vajza të virgjëra.
Ai tha se rikrijimi i virgjërisë, përmes operacionit nuk duhet të ekzistojë, sepse ky veprim nga pas mbart edhe hipokrizinë e partneres kundrejt personit të jetës.
Qepja nuk duhet të ekzistojë. E para, unë jam kirurg, nuk arrihet.
Nuk kam bërë kurrë, por edhe nuk arrihet. Operacioni zgjat disa orë dhe nuk arrihet, atë që ka bërë natyra, nuk e bën dot njeriu. Por ajo ka një gjë tjetër të rëndësishme, që është hipokriza.
Njeriu do të jetë gjatë gjithë jetës hipokrit ndaj personit të tij të jetës, tha gjinokologu në e Diell.
