Rama publikon pamje brenda zyrave të Bashkisë Shkodër, thumbon kundërshtarin politik

Kryeqendra e veriut, Shkodra, pas tri dekadash, do të drejtohet nga një kryebashkiak socialist, teksa ka pak ditë që ka marrë zyrtarisht detyrën, Benet Beci, ka filluar me urdhrat e parë, ku kryefjalë është lirimi i hapësirave publike, të cilat janë zaptuar nga qytetarët dhe bizneset në mënyrë të padrejtë.

Në daljet e shpeshta publike, kryeministri Edi Rama, ka deklaruar se qyteti i Shkodrës do duhet të aplikojë një filozofi të re pune, duke nisur fillimisht me pastrimin e qytetit.

Këtë të diel, Rama ka shpërndarë disa pamje, të cilat sipas tij janë bërë brenda zyrave të bashkisë së Shkodrës.

Kryesocialisti ka thumbuar rivalët politikë, duke thënë se gjendja në zyrat e Bashkisë është jashtë çdo standardi.

Pamjet sipas tij, nuk kanë nevojë për koment, ndërsa shton se shumë shpejt do të jenë thjesht “një film i së shkuarës në terrin ‘demokratik’ të tre dekadave”.

Postimi i Ramës:

“Mirëmëngjesi dhe me brendinë e Bashkisë Shkodër, ku pamjet s’kanë nevojë për koment dhe shumë shpejt do të jenë thjesht një film i së shkuarës në terrin “demokratik” të tre dekadave, ju uroj një ditë një të diel të qeshur!”, shkruan Rama.

Benet Beci, fitoi më 14 maj më një rezultat të thellë mbi 11 mijë vota kundrejt Bardh Spahisë, i cili garoi nga radhët e koalicion “Bashkë Fitojmë”.

 

Shperndaje ketë postim:

spot_imgspot_img

- PUBLICITET -

Aktualitet

Te tjera
LAJME

Kalaja e Shkodrës, më shumë vizitorë se Butrinti

Viti i fundit rezultoi të jetë një periudhë shumë...

Dy shenjat e horoskopit që do t’i kthejnë gjërat ashtu siç duan ata

Me Hënën te Peshqit dita fillon e qetë dhe...