A ka nisur të flasë i vogli juaj? Apo jeni ende duke pritur me entuziazëm fjalët e para që ai do të thotë? E nëse i ka thënë fjalët e para, ja çfarë kuptimi kanë ato.
Të vegjlit fillojnë të shprehen me tinguj që kur janë fare të vegjël, më pas ata fillojnë të mësojnë si të flasin, pasi kalon në disa procese në atë të dëgjimit, mësimit dhe mirëkuptimit.Kur fëmija bën gjashtë muajsh ai fillon të përdorë gjuhën, buzët për të nxjerrë rrokje që sigurisht janë të rastësishme. Ai fillon të flasë fjalët e tij të para, që mund të rimojnë si “baba” dhe “mama”.
Sipas shkencës, ka disa fakte interesante që mund të nxirrni nga fjalët që i shtrenjti juaj zgjedh të thotë në herët e tij të para. Dëgjimi i fjalëve të para të fëmijës suaj është një nga pikat më të rëndësishme që do të arrini ndonjëherë në jetën e tij.
Kur e thonë foshnjat fjalën e parë?
Në muajin e 8 ose të 9 do të dëgjoni rastësisht fjalën mama ose baba dhe disa fjalë që kanë dy rrokje.
