Prej disa vitesh kanali pranë segmentit që lidh fshatin Boriç i Madh në bashkinë Malësi e Madhe me rrugën kryesore Shkodër -Koplik vijon të jetë i mbushur me mbetje të shumta.
Mungesa e kontinierëve si dhe mbushja e këtij kanali me mbeturina është kthyer në një shqetësim për banorët të cilët kërkojnë që të merren masa nga bashkia për largimin e tyre.
Pothuajse në të gjithë gjatësinë e tij ky kanal është i mbushur me mbeturina të cilat duke mos u pastruar janë grumbulluar aty duke u kthyer në një vend depozitimi mbeturinash dhe një rrezik për shëndetin e banorëve.