Një foshnje është dërguar pa shenja jete në Spitalin e Pejës mëngjesin e kësaj të diele. Lajmi u konfirmua nga zëdhënësi i Policisë së Kosovës për rajonin e Pejës, Driton Rugova.
Ai ka bërë të ditur se foshnja është dërguar për kontroll mjekësor, por nga mjeku kujdestar është konstatuar se ka ndërruar jetë
“Sot rreth orës 08:30, Policia është informuar se një foshnje është dërguar në spitalin rajonal për kontroll mjekësor, dhe nga mjeku kujdestar është konstatuar se foshnja ka arritur në spital pa shenja jete”, ka thënë Rugova.
Autoritetet kanë nisur hetimet për zbardhjen e shkaqeve.
