Dy miqtë e tij, tashmë të njohur për publikun, Jonin dhe Marion, nuk fliste prej thuajse më shumë se dy vite.
Pikërisht për këtë deklaratë, Luizi u kritikua mjaft në rrjet, madje e quajtën mashtrues dhe se nuk po i respekton aspak miqtë e tij, të cilët e mbështetën mjaft gjatë qëndrimit në BBV.
Mirëpo, në një video të bërë tashmë virale, Luizi dëgjohet teksa ka qenë ende pjesë e BBV, të shprehet se mes tij, Jonit dhe Marios ka patur një krisje miqësie por që u rregullua pas hyrjes së tyre për të surprizuar këngëtarin në reality show.
“Kemi patur një periudhë shkëputjeje sepse u nominuam ndër veti, por ja që u ribashkuam prap”, tha ai asokohe.
Përveç dy miqve të tij, Luizi foli dhe për Meridian Ramçajn, ku ndryshe nga ai, tregoi se nuk janë miq.
“Kam kuptuar këto ditë që shumë vetë më kanë shfrytëzuar gjatë qëndrimit tim brenda. Qofshin njerëz të thjeshtë, banorë. Për sa kohë jemi në një vend demokratik është e drejta e secilit ta bëj.
Që të gjithë ata njerëz që më braktisën që më shkelën, sot kanë qenë në qindra emisione, studio, rrjete sociale duke u treguar se kush më ka njohur përpara. Në lojë në shtëpi, kam qenë më direkt se të gjithë. Ata e dinë shumë mirë se kush janë”, theksoi mes tjerash Ejlli.
