Luiz Ejlli gjatë kësaj jave futi në grackë Kristin dhe Armaldon pasi i detyroi t’i thyenin rregullat. Të njëjtit ishin futur në tualet së bashku, gjë që nuk lejohet me rregulla dhe kjo bëri që ‘Vëllai i Madh’ të merrte një dënim për ta.
Të tre u dërguan në televotim dhe njëri prej ty do të largohej nga shtëpia të shtunën, që do të thotë në spektaklin e natës së kaluar.
Në ato momente që ndodhi situata, artisti shkodran tha se kjo ishte e planifikuar dhe se e kishte ëndërruar këtë moment.
Në “Fan Club” sot (e diel) u transmetuan disa pamje, ku Kiara e shtyu me këpucë Luizin në momentin që po thoshte këto fjalë.
Këngëtari nga ana tjetër e gjuajti me shuplakë në këmbë, gjersa duket se ishte në një moment kur po fliste seriozisht dhe nuk dëshironte që të pengohej.