Disa familje në rrugën “Suka e Kunorës” në lagjen “Mark Lula” të qytetit të Shkodrës vijojnë të vuajnë nga mungesa e infrastrukturës. Nuk janë më shumë se 300 metër rrugë në të cilën çdo ditë kalojnë fëmijë dhe të moshuar mes gropave me ujë, por edhe pluhurit gjatë verës. Banorët tregojnë se kjo rrugë është lënë në harresë prej 30 vitesh.
Banorët tregojnë se asfaltimi i kësaj rruge është premtuar disa herë, por bashkia Shkodër ende nuk ka marrë asnjë masë konkrete.
Pavarësisht thirrjeve të përvitshme nga banorët për asfaltimin e rrugës, duket se bashkia Shkodër nuk e ka në objektivat e saj rikonstruksionin e kësaj rruge të shkurtër por me shumë rëndësi për familjet që jetojnë atje.
