Nga Mirsad Rakaj
Urim Seferi nga fshati Melgushë i Shkodrës disponon rreth 3 dynym sera dhe 5 dynym tokë të cilat i ka mbjellë me frutikultura te ndryshme dhe perime.
47 vjecari synon që të shtojë sipërfaqet me sera në prodhimin e perimeve të freskëta por për shkak të cmimit të ulët në treg një sipërfaqe e konsiderueshme e mbjellë me sallatë ka nisur që të kalbet. Përvec çmimeve të ulëta kostos i shtohet edhe mungesa e pikave të grumbullimit të perimeve thotë 47 vjecari.
Fermeri nga fshati Melgushë kërkon mbështjen nga shteti me subvencione të farërave, pesticideve dhe materialeve për ndërtimin e serave me standarte. Ato që ai disponon janë të ndërtuara 20 vite më parë dhe nuk i plotësojnë standartet që kërkohen nga Ministria e Bujqësisë.
Janë rreth 500 dynym sera në këtë fshat, ku shumë prej pronarëve nuk kanë likuiduar kreditë e marra për ndërtimin e tyre . Ata kanë punësuar banorë të zonës të cilët merren me mbjedhjen, tregëtimin dhe vjeljen e prodhimeve.
