Deputeti i Partisë Socialiste Benet Beci ka zhvilluar një takim me drejtues dhe punonjës të OSHEE për të ndjekur nga afër ndërhyrjet në Bexhisten dhe Dobraç. Ndërhyrjet në këto zona do të përmirësojnë cilësinë e furnizimit me energji elektrike.
“Sot me drejtues e punonjës së Oshee për të ndjekur nga afër ndërhyrjet në Bexhisten dhe Dobraç.
Në Bexhisten do të stakohet linja ajrore 6 kv për të kaluar në një linjë kabllore 20 kv. Ky zëvendësim përmirëson cilësinë e furnizimit duke minimizuar stakimet e energjisë. Afërsisht janë 450 abonentë familjarë që përfitojnë nga kjo ndërhyrje.
Ndërsa në Dobraç po ndërtohet një kabinë e re tip box, e cila do të lidhet me linjë 20 kv. Deri tani furnizimi në këtë zonë është bërë me linjë ajrore 6 kv, në gjendje të amortizuar. Gjithashtu do të bëhet zhvillimi i rrjetit me kabllo me vetëmbajtje ABC. Përfitues në këtë zonë janë rreth 220 abonentë.
Ditë pozitive me rezultate konkrete e shtrëngime duarsh me banorë e njerëz të punës!”