Reshjet e shiut të rëna ditën e sotme kanë rikthyer në vemendje situatën në disa rrugë dytësore në qytetin e Shkodrës, ku si shkak I amortizimit janë bërë thuajse të pakalueshme. Në rrugën pranë ish- Dekorit në disa pjesë të saj për shkak te gropave me ujë dhe mungesës së kanalizimeve, është vështirësuar qarkullimi për banorët.
E njëjta siuatë paraqitet edhe në lagjen “Salo Halili” ku banorët shprehen të shqetësuar dhe kërkojnë ndërhyrjen e bashkisë për zgjidhjen e kësaj problematike. Për shumë lagje të Shkodrës infrastruktura rrugore mbetet problem sidomos gjatë dimrit, ndërkohë që investimet nga bashkia mungojnë prej kohësh.