Në një kohë kur shumë shqiptarë zgjedhin të braktisin vendlindjen e tyre për të emigruar, ka mes tyre edhe që kthehen për të punuar këtu. Elvis Guçe është një mjek i ri, i cili pas studimeve në Selanik është kthyer në Gjirokastër.
Në një intervistë për RTSH Gjirokastra, ai thotë ndër të tjera se “vendi ynë ka filluar të lëvizë ne drejtimin e duhur” duke iu referuar vëmendjes ndaj sistemit shëndetësor. Guçe pranon gjithashtu se 9 në 10 miq të tij i shprehin habinë për rikthimin në Gjirokastër.
“Përpiqem t’u mbush mendjen të gjithëve që gjërat nuk janë aq keq sa duken. Mua më vjen shumë keq që njerëzit largohen, por kjo nuk ndodh vetëm këtu”, shprehet Guçe. Ai bën thirrje që në vend se të zgjedhim të largohemi nga Shqipëria le ta provojmë njëherë veten këtu. Më poshtë intervista e plotë e mjekut.
