Shkodra është dashni, kulturë, humor, burrni, nder, eshte finesë, eshte fisnikeri, muzikë, melodi, është lum, është liqen është malësi. Shkodra nuk pushtohet, as kapet, as futet nën mëngë, as blihet, as shitet, as manipulohet, as i ulen pantallonat, as i ngrihet fustani, as ndryshohet as futet në thes por as në burg me pesë yje.
Më falni që nuk dita ta përshskruaj. Shkodra është shumë më e bukur, më e ëmbël dhe më e madhe se kaq sa thashë!
Shkodra nuk e nderron bicikleten me limuzine, sepse bicikleta eshte kulture, limuzina eshte para dhe kultura eshte me e forte se paraja!
Shkodra nuk futet në kafaz, sepse asnjë ushtri, asnjë luftë, asnjë diktator, nuk ka mundur të mbajë Shkodrën në qeli. Shkodra është bilbil që jeton vetëm në liri, dhe nuk e shkëmbën lirinë, as me kafazët me pesë yje të ustallarëve!
Shkodra nuk futet ne kafaz, se nuk ka kafaz ta mbaje!
Nga: Kreshnik Osmani