Argjentina, përmbushet profecia e Maradonës. Fotoja që parashikoi triumfin e Botërorit të Katarit

Një Botëror i fituar në shenjën e Lionel Messit, por edhe të Diego Armando Maradonës. Emri i “Pibe de Oro” ishte ndër më të vlerësuarit pas triumfit të tretë të Argjentinës në Kupën e Botës së Katarit.

 

Argjentina u rikthye për ta fituar këtë trofe 36 vite pas suksesit të tij të fundit, dhe duke përmbushur “profecinë” që vetë “Dieguito” e bëri të paharrueshme më 29 qershor 1986, ditën e triumfit në Meksikë.

 

Në një nga fotot e festimeve në stadiumin “Atzeca”, pas fitores ndaj Gjermanisë Perëndimore, Maradona, i mbajtur mbi shpatullat e shokëve të tij, ngre Kupën e Botës me dorën e djathtë, ndërsa me të majtën duket se tregon flamurin e Katarit, vendosur së bashku me të tjerët mbi tribunat e stadiumit të famshëm në Mexico City.

 

Një imazh që është shfaqur disa herë në rrjetet sociale javët e fundit, i cili parashikonte triumfin e Messit dhe shokëve të tij në Botërorin e Katarit pak më shumë se dy vite pas vdekjes së të madhit “Diez”.

 

Shperndaje ketë postim:

spot_imgspot_img

- PUBLICITET -

Aktualitet

Te tjera
LAJME

Shenjat e Horoskopit që martohen në moshë të re

Ka disa shenja që janë alergjikë ndaj martesës dhe...

“Mami, nuk ia dal dot më me babin”, nëna kujton mes lotësh fjalët e të birit 7-vjeçar

Pas 16 vjetësh martesë, në vitin 2019 Silvana vendos...