Duket se hackerat iranianë nuk duan t’ia dinë fare për “ashpërsinë” me të cilën shteti shqiptar po reagon ndaj tyre.
Pasi sulmuan një sërë websitesh të institucioneve publike përfshirë edhe e-Albania, ata herë pas here kanë nxjerrë edhe të dhëna të ndjeshme të figurave të larta shtetërore, madje shikohet se asgjë nuk po i ndal ata në publikimin e këtyre të dhënave.
Kështu ditën e sotme rradhën e ka patur Drejtori i Shërbimit Informativ të Shtetit, Helidon Bendo.
Hackerat iranianë në kanalin e tyre në Telegram kanë publikuar të gjitha të dhënat që kanë të bëjnë me të, duke filluar nga gjeneralitetet, numrat e telefonit, numrat e kartave e të pasaportave, familjen, makinat në pronësi e deri tek hyrjet e daljet nga Shqipëria.