Dasma e Shkëlzen Berishës dhe blogeres, Armina Mevlani ishte një nga më të komentuarat. Ajo u rikthye sërish në qëndër të vëmendjes pas deklaratave të bëra nga Sali Berisha.
I ftuar në emisionin “Why Not”, kryedemokrati komentoi dhe dasmën e të birit ku nuk kurseu as konsideratat e lartë për Arminen. Berisha tha se ishte i lehtësuar pasi fatmirësisht nuk i kishin ngarkuar asnjë detyrë dhe se e shijoi dasmën në maksimum.
“Dasma është një moment gëzimi, shumë i veçantë. Është ceremonia e jetës së njeriut në të cilën mbi të gjitha ndan gëzimin me gjithë të tjerët. Ishte një dasmë ku Shkëlzeni dhe Armina ndanë gëzim me gjithë të ftuarit.
Meqenëse nuk më kishin ngarkuar asnjë detyrë isha më i lehtësuari aty pasi ata kanë pasur shumë ngarkesë në përgatitjen e saj. Por kishin bërë një punë të shkëlqyer, i përqafoj”, tha Berisha.
