Ngjarja e ndodhur së fundmi në Greqi ku një 25-vjeçare shqiptare goditi me mjet prerës një 27-vjecare, bëri xhiron e mediave dhe rrjeteve sociale në Greqi.
25-vjecarja dyshonte se burri e tradhtonte me bashkëatdhetaren e saj, ndaj dhe ajo në nerva e sipër u hakmor duke e goditur me mjet prerës. Vetë përfundoi në qeli, ndërsa 27-vjecarja gjendet në spital.
Për ngjarjen në fjalë ka reaguar edhe vëllai i 25-vjecares, i cili thotë se e motra është bërë pishman dhe kërkon falje për atë që ka bërë.
Ai pohoi se “motra ime ka gjashtë vjet që ka duruar këtë vajzë. Ajo e donte shumë burrin e saj, dha jetën për të, bëri gjithçka për të.
Ai jetonte me të dyja gratë. Motra ime është penduar. Ajo nuk donte, jam i sigurt që nuk donte, por koha nuk kthehet pas”, tha vëllai i vajzës.
“Siç më ka deklaruar e pandehura që në fillim, kjo vepër ka ndodhur për shkak se ka pasur xhelozi dashurie. Pati zemërim dhe përleshje”, tha avokati.