Qindra shqiptarë apo të huaj, që sapo kanë zbritur nga avioni janë duke pritur në radhë për vulosjen e pasaportës në aeroportin e Rinasit.
Burime bëjnë me dije se punojnë vetëm 5 sportele, por me vetëm një oficer policie dhe vulosja po ecën shumë ngadalë.
Siç shihet edhe nga foto është mbushur i gjithë holli i mbërritjeve. Qytetari, i cili ka dërguar foton ankohet për një jokorrektësi të efektivëve të policisë në sportel.
Qytetari shkruan për JOQ Albania: Jan 5 sportele me nga 1 operator. Nderkoh njeri operator del nga sporteli per te pir kafen.
Në këtë periudhë fluksi i emigrantëve dhe turistëve që vijnë në Rinas është shumë i madh dhe kuptohet të ketë radhë, por është e pakuptueshme si mund të punohet me një sportel.
Gjithsesi shqiptarët e shkretë janë mësuar me radhë dhe parregullsi, por të huajëve iu duket aspak normale që një aeroport me 5 sportele, të punojë vetëm një polic.
