Përfaqësues të biznesit kanë treguar sot në një tryezë me kreun e PD-së, Sali Berisha se çfarë u ndodh kur përballen me doganat dhe tatimet.
“Tani kemi arritur në një pikë që doganën jo e jo që nuk e kapim dot, por u qajmë hallin edhe atyre që kanë mbetur jashtë oligarkëve dhe themi si i zë gjumi natën. Shihja Neranxin dhe thosha “qenka akoma gjallë ky”. I kam provuar të gjitha. Kam arritur kam shkarkuar maunen vetë, e kam hedhur në Lanë se ishin ftojtë e prishur.
Të thonë “prit ti”. Ti vjen i pari në rradhë, ata thonë iku filani për të pirë kafe. Ca marrëzira, se nuk u jep sa do ai. Ca si Neranxi që janë veteranë, u qaj hallin”, u shpreh një biznesmene në tryezën me PD-në.
Sipas saj “Është rritur qiraja, uji, dritat. Tani na i vunë në taksat e bashkisë të gjitha. Ndërsa tani do na vënë edhe taksën e biznesit. Mirë që e hap dyqanin, por bën sehir. Po nuk u shitën, çdo bëjmë. Populli nuk ka para të hajë. Thotë të bukura janë, por ikin. Unë nuk pyes as për tatime as për gje, se po më erdhi populli të blej, i paguaj tatimet se kam problem”.
