Pak ditë më parë, Vllaznia fitoi kupën e Shqipërisë dhe shkodranët dolën në rrugë të festonin për fitoren e ekipit të qytetit të tyre.
Mes tyre doli edhe Bardh Spahia, kryetari i ri i Bashkisë së Shkodrës, i cili fitoi, pasi garoi në koalicionin e Sali Berishës.
Mirëpo, ajo që është vënë re nga shumë qytetarë shkodranë, por jo vetëm, ishte fakti se Bardh Spahia, kryetari që duhet të jetë shembull, lëvizte me makinë, por pa rrip sigurimi, në festën e fitores. Gjithashtu, ai ka dhënë edhe intervistë, pa e vrarë mendjen aspak.
Kujtojmë se policia rrugore, qytetarët e thjeshtë i gjobit në maksimum, madje edhe me heqje patente, nëse i kap pa rrip sigurimi, ndërsa pushtetarët lëvizin pa frikë fare.
