20-vjeçarja kosovare rrëfen njohjen dhe bashkëjetesën me të dashurin e saj Nuredin Dumani

20-vjeçarja nga Kosova Mirjetë Hajdini u arrestua pak kohë më parë bashkë me Nuredin Dumanin i cili ishte i shpallur në kërkim.

Mirjetë Hajdini, vajza nga Kosova që bashkëjetonte me Nuredin Dumanin, u shoqërua nga policia e Fierit mesnatën e 30 marsit, pasi i dashuri i saj ishte plagosur në një atentat.

Gazetarja Klodiana Lala ka siguruar dëshminë e saj, e cila referohet në dosjen e SPAK. Në dëshmi, e dashura e Dumanit thotë se nuk e dinte që Arviti ishte Nuredin Dumani dhe që kishte probleme me drejtësinë në Shqipëri.

DËSHMIA E TË DASHURËS SË DUMANIT

Mirjetë Hajdini ka deklaruar mbi rrethanat e njohjes me shtetasin Nuredin Dumani, marrëdhënien e krijuar me të, faktin që ky shtetas i është prezantuar me emrin Arvit Spahiu, rrethanën që Arviti mbante armë me vete, faktin se kanë bashkëjetuar në Gjilan, Kosovë, Arviti i ka thënë që të vinte në Tiranë.

Më tej ajo ka shpjeguar se:….. mbërriti në stacion erdhi dhe e mori “Kushoja”, të cilin dje mori vesh që e quanin Henrik pasi nuk e dinte emrin. Henriku e mori te terminali i autobusëve të Tiranë dhe shkuan për në qytetin e Fierit sepse Arviti ndodhej aty. Dhe Henriku e çoi tek një pallat, në katin e katërt dhe atje takon Arvitin. Është i njëjti pallat ku u gjet dhe Arviti dje.

Ajo sqaron se nuk kish dijeni që Arviti quhej Nuredin Dumani dhe që kishte probleme me drejtësinë në Shqipëri. Në datë 29.03.2022, Arviti u zgjua rreth orës 08:00 në mëngjes dhe i tha se do dilte me Henrikun. Pasi Arviti kishte gati 5 minuta që kishte dalë, erdhi Henriku dhe i tha të zbriste pak se duhet të merrte diçka.

Mirjeta zbrita poshtë dhe Arviti ndodhej në një makinë ngjyrë gri, të vogël dhe Arviti me Henriku hapën bagazhin e makinës, nxorën një armë zjarri ngjyrë të zezë, e futën në një qese ngjyrë blu dhe ia dhanë në dorë dhe Arviti i tha shko çoje tek dhoma sepse do dalë me kushon.

Sqaron se arma që i dhanë ishte e madhe, jo si arma që Arviti kishte pas mbajtur gjithmonë por goxha më e madhe se ajo. Armën e mori dhe e çon tek dhoma në banesë, kurse Arviti dhe Henriku u larguan me makinë. Po kështu, nga organi procedues janë administruar edhe deklarimet e shtetasve të tjerë.

TE TJERA