Një 36-vjeçare e cila ka qëlluar me gurë vjehrrin e saj K.J. 62 vjeç për shkak se ky i fundit iu afrua banesës së saj, është proceduar në gjendje të lirë nga policia.
Ndërkohë, procedim ka nisur edhe ndaj të moshuarit pasi kishte shkelur urdhrin e gjykatës. Kjo e fundit i kishte dhënë gruas urdhër mbrojte prej tij.
Njoftimi i policisë:
Procedohet në gjendje të lirë H. J., 36 vjeçe dhe K. J., 62 vjeç, banues në Librazhd, për veprat penale “Dhuna në familje” dhe “Veprime në kundërshtim me vendimin e gjykatës”, pasi shtetasja H. J. e pajisur me urdhër mbrojtjeje ndaj vjehrrit të saj, shtetasit K. J.,
e ka goditur këtë të fundit me mjet të fortë (gurë), sepse ky shtetas i është afruar banesës së saj. Materialet i kaluan Prokurorisë pranë Gjykatës së Shkallës së Parë Elbasan, për veprime të mëtejshme.
